दमक– झापाको दमकमा रक्सी खाएका युवाहरुबीच भएको झडपमा एक जनाको विभत्स हत्या भएको छ।

शुक्रवार बिहान करिब ३ बजे आफ्नै साथीको छुरा प्रहारबाट इलामको चुलाचुलीस्थित पेल्टिमारीका २५ वर्षीय गोविन्द लिम्बुको हत्या भएको हो ।

प्रहरीका अनुसार दमक १ स्थित एक होटेलमा बसेर रातभर सँगै रक्सी खाएका उनीहरुबीच भनाभन हुँदै झडपको स्थिती उत्पन्न भएको थियो। सोही क्रममा दमकसँगै जोडिएको पेल्टिमारीका लिम्बुको हत्या भएको हो ।

अनुसन्धानका लागि प्रहरीले केही ब्यक्तिलाई नियन्त्रणमा लिइएको छ । तर हतियार प्रयोग गर्ने मुख्य ब्यक्ति फरार रहेकाले खोजी भइरहेको इलाका प्रहरी कार्यालय दमकका प्रमुख मनोज लामाले बताए।