अदालतको आदेश कार्यान्वयन गराउन पनि प्रहरीलाई किन्नु परेपछि, असईसहित २ जना पक्राउ
शीर्ष खबर 
जनकपुर– महोत्तरीको गौशाला नगरपालिका–१२ स्थित कान्तिबजार प्रहरी चौकीका ईन्चार्ज २० हजार घुससहित पक्राउ परेका छन्।
अख्तियार दुरुपयोग अनुसन्धान आयोग बर्दिबासको टोलीले चौकी इन्चार्ज नेपाल प्रहरीका असई शर्माप्रसाद यादव र प्रहरी वरिष्ठ हवल्दार मञ्जितकुमार झालाई घुस रकमसहित पक्राउ गरेको हो।
उनीहरुले जग्गा सम्बन्धी विवादमा अदालतको आदेश कार्यान्वयन गराउन २० हजार रुपैयाँ घुस लिँदै गर्दा आइतबार साँझ साढे ५ बजे दुबैजनालाई पक्राउ गरिएको अख्तियारले जनाएको छ।
अख्तियार दुरुपयोग अनुसन्धान आयोग कार्यालय बर्दिबासका प्रमुख रामबहादुर कुरुम्वाङका अनुसार स्थानीय एक व्यक्तिले ठेक्का लिएको जग्गाको विवादमा अदालतमा छलफल गराइदिने भनी उनीहरुले ३०÷४० हजार रुपैयाँ घुस मागेका थिए।
त्यसपछि सेवाग्राहीले उनीहरु विरुद्ध अख्तियारमा दिएको पूर्वउजुरीको आधारमा पछयाएर २० हजार रुपैयाँ नगदसहित गैरीटोलबाट रंगेहात पक्राउ गरेर दुबैजनामाथि थप अनुसन्धान गरिरहेको अख्तियारले जनाएको छ।
