धार्चे पहिरोमा वेपत्ता ५ मध्ये ४ जनाको शव भेटियो, ट्याक्टर चालक अझै वेपत्ता
शीर्ष खबर 
काठमाण्डौं– गोरखाको धार्चे गाउँपालिकामा आईतबार पहिरोमा परी वेपत्ता भएका ५ जना मध्ये एकै परिवारका ३सहित ४ जनाको शव भेटिएको छ। धार्चे–५ रेशामा जीतबहादुर गुरुङको घर पहिरोले पुरिँदा उनीहरु वेपत्ता भएका थिए।
हालसम्म घरधनी जीतबहादुर गुरुङ, उनकी पत्नी कान्छी गुरुङ, बुबा सोलाल कान्छा गुरुङ र धार्चे–५ सिङ्लाका रमेश गुरुङको शव भेटिएको छ। ट्याक्टर चालक आरुपोखरीका रमेश परियार अझै भेटिएका छैनन्।
आईतबार विहान करिव ३ बजे पहिरो जाँदा जीतबहादुर गुरुङको घर र गोठ बगाएको थियो। घट्नामा परेका सिङ्लाका ३५ वर्षीय दिलिप गुरुङ र २७ वर्षीय थमबहादुर गुरुङलाई घाईते अवस्थामा उद्धार गरिएको थियो।
धार्चे गाउँपालिका अध्यक्ष लक्ष्मण गुरुङका अनुसार जीतबहादुरको घरमा होटलसमेत सञ्चालन गरिएकाले बाहिरबाट अतिथि आएर खाने बस्ने गरेका थिए। परिवार वाहेकका ब्यक्ति होटलमै वसेका ब्यक्ति भएको खुलेको छ।
ती मध्ये ट्याक्टर चालक रमेश परियार सोही ठाउँमा कामका लागि पुगेका थिए। उनी शनिबार मात्र ट्याक्टर लिएर त्यहाँ पुगेको जनाईएको छ।
यो पनि,
