मोटरसाईकल दुर्घटनामा नेपाल प्रहरीका बरिष्ठ हबल्दारको मृत्यु

चितवन– चितवनको खैरहनी नगरपालिका–८ मा गएराती पौने ३ बजे मोटरसाइकल दुर्घटना हुँदा नेपाल प्रहरीका बरिष्ठ हबल्दारको मृत्यु भएको छ।
पूर्वपश्चिम राजमार्गअन्तर्गत बाबा पेट्रोल पम्प नजिक बागमती प्रदेश ०३–००३ प ६३७ नम्बरको मोटरसाइकल दुर्घटना हुँदा मोटरसाइकल चालक वरिष्ठ हवल्दार ४३ वर्षीय हेमन्तकुमार श्रेष्ठको मृत्यु भएको हो।
दुर्घटनामा गम्भीर घाइते भएका श्रेष्ठलाई उपचारका लागि चितवन मेडिकल कलेज भरतपुरमा भर्ना गरिएको थियो। गएराती सवा ३ बजे उपचारकै क्रममा मृत्यु भएको प्रहरीले जनाएको छ।
श्रेष्ठ मकवानपुरको मनहरी इलाका प्रहरी कार्यालयमा कार्यरत थिए। लमजुङको राइनास नगरपालिका, धमिलीकुवा घर भएका उनी चितवनको खोलेसिमलस्थित कोठा आउने क्रममा दुर्घटनामा परेको जनाईएको छ।
दुर्घटनाको कारण खुलेको छैन।
प्रतिक्रिया