इटहरी– सुनसरीको धरान उपमहानगरपालिका–१३ मा एक ब्यक्तिले कुटपिट गरी श्रीमतीको हत्या गरेका छन्। ३६ वर्षीय लक्ष्मी मोतेले श्रीमती २६ वर्षिया शोभा परियारलाई कुटपिट गरी हत्या गरेका हुन।

धरान–१३ को सुर्यमार्गमा बस्ने लक्ष्मीले शुक्रवार बिहान करिव ५ बजे आफनो श्रीमतीको मृत्यु भएको भन्दै छिमेकीलाई बोलाएका थिए। छिमेकीले हेर्दा गएर हेर्दा मृतकको शरीरमा नीलडाम र नाकबाट रगत आएकाको देखेपछि प्रहरीलाई खवर गरेका थिए।

शोभाको हत्या भएको आशंका छिमेकीले गरेका छन्। शोभाका माईती पक्षले पनि कुटपिट गरेर हत्या गरेको आरोप लगाएका छन्।

प्रहरीले घट्ना अनुशन्धानका लागि शोभाका श्रीमान् लक्ष्मी र सासु ६० वर्षिया रत्नमायालाई पक्राउ गरेको छ। मृतकको शव पोष्टमार्टमका लागि बिपी स्वास्थ्य विज्ञान प्रतिष्ठानमा राखिएको इलाका प्रहरी कार्यालय धरानले जनाएको छ।