राजधानी– सिन्धुलीको हरिहरपुरगढी गाउँपालिका–१ बस्तीपुरमा अविरल वर्षासँगै आएको पहिरोका कारण सालको ठूलो रुख टहरामा खसेर दुई बालबालिकाको मृत्यु भएको छ भने तीन जना घाइते भएका छन्।

जिल्ला प्रहरी कार्यालय सिन्धुलीका एसपी लालध्वज सुवेदीका अनुसार शुक्रबार दिउँसो करिब साढ ३ बजेतिर वर्षा र पहिरोका कारण ओत लाग्न बसेको टहरोमाथि सालको रुख खसेको थियो। उक्त रुखले टहरामा बसेका पाँच बालबालिकामध्ये ९ वर्षीय सार्की थिङ र १६ वर्षीया शन्ता गोलेको घटनास्थलमै मृत्यु भएको छ।

त्यसैगरी १४ वर्षीया सिर्जना माया, १५ वर्षीया सन्ध्या भोलन र ७ वर्षीय सुशील थिङ घाइते भएका छन्। घाइतेमध्ये सिर्जना माया र सन्ध्या भोलनको अवस्था गम्भीर रहेको बताइएको छ। उनीहरूलाई थप उपचारका लागि हेटौँडा अस्पताल रिफर गरिएको छ भने सुशील थिङको उपचार पाँचपाण्डव पोलिक्लिनिक झुरझुरेमा भइरहेको छ।

प्रहरीले घट्नाको अनुशन्धान भईरहेको जनाएको छ।