लहान– सिरहामा पराल हालेर जलाई अधकल्चो भएको अवस्थामा एक युवकको शव फेला परेको छ। मृतकको पहिचान भएको छैन।

धनगढीमाई नगरपालिका ६ स्थित गागन खोला करिव २५/२६ वर्षीय युवकको शव फेला परेको प्रहरीले जनाएको छ।

सिरहाका प्रहरीका एसपी टेकुइवा लिम्बुका अनुसार शुक्रबार बिहान ११ बजे स्थानीयबासीले शवका विषयमा प्रहरीलाई खवर गरेका थिए। प्रहरी घट्नास्थल पुगेर हेर्दा पराल र झारपातको प्रयोग गरी शव जलाउन खेजिएको र अधकल्चो भएको देखिएको एसपी लिम्बुले बताए।

शव पोस्टमार्टमका लागि प्रादेशिक अस्पताल सिरहा पठाइएको उनले जानकारी दिए। घटनास्थलको प्रकृति हेर्दा हत्या गरेर हतारहतार जलाउने खोजेको जस्तो देखिएको प्रहरीको भनाइ छ।