विराटनगरमा घरभाडा लिएर महिलाहरुलाई जवरजस्ती यौन धन्दामा लगाउने झापाकी संध्या चुँडाल पक्राउ

विराटनगर– मोरङको विराटनगर महानगरपालिका–११ स्थित एउटा घर भाडामा लिएर यौन धन्दाा सञ्चालन गर्दै आएकी एक महिला पक्राउ परेकी छिन्।

काम लगाई दिने वहानामा विभिन्न ठाउँमा महिलाहरु भेला पारी विराटनगरका होटल, गित गजल, डान्सबारहरुमा जवरजस्ती यौन ब्यवसायी बनाएर पठाउने झापाको बिर्तामोड नगरपालिका–८ गरामनीकी २४ वर्षीया संध्या चुडाललाई प्रहरीले पक्राउ गरेको हो।

मोरङ प्रहरीका एसपी नवराज कार्कीका अनुसार चुँडाका विषयमा पीडितका तर्फबाट प्रहरीमा किटानी जाहेरी परेको थियो। सोही जाहेरी अनुसार अनुशन्धान गर्दा निज संध्याले महिलाहरुलाई प्रलोभनमा पारी विराटनगरमा बोलाउने तथा डर÷त्रास देखाएर यौन धन्दामा लगाउने गरेको खुलेको थियो। उनले कतिपयलाई धम्की दिने र कुटपिटसमेत गर्ने गरेको प्रहरीले जनाएको छ।

यो घट्नामा संध्यासहितको समुह नै परिचालित रहेको प्रहरीको अनुमान छ। उनी विरुद्ध यौन व्यवसाय, मानव बेचविखन तथा ओसारपसार अपराधमा अनुशन्धान भईरहेको एसपी कार्कीले बताए। मोरङ जिल्ला अदालतबाट अनुशन्धानका लागि चार दिनको म्याद थप गरिएको उनको भनाई छ।


प्रतिक्रिया

Leave a Reply

Your email address will not be published. Required fields are marked *

लोकप्रिय

ताजा अपडेट