पर्सा निकुन्जमा २ जनाको शव भेटियो, चोटपटक देखिएपछि अनुशन्धान हुँदै

वीरगन्ज– पर्सा राष्ट्रिय निकुन्जको रामभौरीभाठा मन्दिरभन्दा करिब २० किमि उत्तर–पश्चिममा दुई पुरुषको शव फेला परेको छ। शीतलपुर क्षेत्रको चुरे पहाडको फेंदमा मंगलबार साँझ शंकास्पद अवस्थामा शव फेला परेका हुन।

निकुन्जकाकासूचना अधिकारी सन्तोषकुमार भगतका अनुसार मकवानपुर राक्सिराङ गाउँपालिका–२ का ३२ वर्षीय राजकुमार नेगी र मकवानपुर मनहरि गाउँपालिका–५ का दिल्लीपुरका ४० वर्षीय रामबहादुर मोक्तानको शव फेला परेको हो।

शवको प्रकृति हेर्दा दुवैको मृत्यु ३/३ दिनअघि नै भएजस्तो देखिन्छ । शरीरका विभिन्न भागमा चोटपटक देख्दा कुनै वन्यजन्तुको आक्रमणमा परी दुवैको ज्यान गएको अनुमान गरिए पनि घटनाबारे थप विवरण आउन बाँकी रहेको निकुन्जले जनाएको छ।

उनीहरुका आफन्तले दुवै जना हराएको सूचना दिएपछि खोजतलासका क्रममा शव फेला परेको निकुन्जले जनाएको छ। सेना, प्रहरी, निकुन्जकर्मी तथा मृतकका आफन्तसहितको टोलीले सोमबारदेखि दुवैको खोजी सुरु गरेका थिए।

दुवै जना कुन प्रयोजनले निकुन्जमा गएका थिए भन्ने खुलेको छैन।


प्रतिक्रिया

Leave a Reply

Your email address will not be published. Required fields are marked *

लोकप्रिय

ताजा अपडेट