काठमाण्डौं– बाग्लुङको इमेज सहकारी संस्थाको २ अर्बभन्दा बढी रकम हिनामिना गरेर भागेकाा बागलुङको ढोरपाटन नगरपालिकाका मेयर देवकुमार नेपाली भारतमा पक्राउ परेका छन्। नेपालीलाई नयाँदिल्लीमा सुरक्षा निकायले पपक्राउ गरेको हो।

इन्टरपोलमा रेड नोटिस जारी भएका नेपालीलाई दिल्लीमा पक्राउ गरिएको सूचना नेपाल प्रहरीलाई दिईएको छ। नेपाल प्रहरीले भारतस्थित नेपाली दूतावासको समन्वयमा उनलाई नेपाल ल्याउने तयारी गरेको छ।

सहकारी ठगी प्रकरणमा जोडिएपछि ५ जेठ ०८० देखि फरार भएका नेपालीविरुद्ध १२ माघ ०८० मा रेड कर्नर नोटिस जारी भएको थियो। उनी इमेज सहकारीका संस्थापक अध्यक्ष हुन। उनी वाहेक कार्यवाहक अध्यक्ष डोरबहादुर परियार, सचिव सुनिल नेपाली, कोषाध्यक्ष लक्ष्मी सेन र सञ्चालक सदस्यहरू चित्रबहादुर भण्डारी, रूपा विक र झगबहादुर शाहीलाई ७ वैशाखमा गृहमन्त्रालयले यात्रा अनुमतिमा रोक लगाएको थियो।

नेपाल प्रहरीको केन्द्रीय अनुसन्धान ब्युरो (सीआईबी)ले १६ जेठमा नेपालीसहित पदाधिकारीले बचतकताएको अर्बौं रकम अपचलन गरी संगठित ठगी गरेकाले उनीहरुविरुद्ध उजुरी लिन पत्राचार गरेको थियो।

इमेज सहकारीको बागलुङमा ३ र पोखरामा पनि शाखा छ। बागलुङमा मात्र २ अर्बभन्दाब बढी रकम हिनामिना भएको अनुमान छ।