वीरगञ्ज– पर्साको ठोरी गाउँपालिका–२, मा मंगलबार बिहान ढेँडु खोलामा नुहाउने क्रममा दुई बालक दाजुभाइको मृत्यु भएको छ।

मृत्यु हुनेहरू स्थानीय मनोज कठायतका ८ वर्षीय छोरा अंश कठायत र ४ वर्षीय छोरा आयांश छन्। खोलाको पानीमा तैरिरहेको देखेपछि स्थानीयले उनीहरुलाई उद्धार गरी ठोरी स्वास्थ्य चौकी पु¥याएका थिए। त्यहाँ जाँच गर्दा उनीहरूको मृत्यु भइसकेको थियो।

इलाका प्रहरी कार्यालय ठोरीका असई मुन्ना साहको कमाण्डमा रहेको टोली र जिल्ला प्रहरी कार्यालय पर्साका प्रहरी निरीक्षक शैलेन्द्र खड्काको नेतृत्वमा खटिएको टोलीले शव पोस्टमार्टमका लागि नारायणी अस्पताल पठाएको छ।

पर्सा प्रहरीका डिएसपी किशोर लम्सालका अनुसार घटनाको थप अनुसन्धान भइरहेको छ।