काठमाडौं– नेकपा एमालेका अध्यक्ष केपी शर्मा ओलीमाथि विहिवार धनकुटाको महालक्ष्मी नगरपालिका ५ लेगुवामा आक्रमण भएको छ।

ओलीलाई लेगुवाकै महेश राईले मुक्का हानेका हुन। ओलीको स्वागतमा लाइनमा बसेकाहरुको बीचबाट अघि बढेका राईले ओली नजिकै पुगेपछि मुक्का हानेको प्रहरीले जनाएको छ।

एक मुक्का हानेपछि राईलाई सुरक्षाकर्मी र अन्य ब्यक्तिले समातेका थिए। उनले मुक्का हान्नुको कारण खुलेको छैन।

मध्य पहाडी राजमार्गमा संकल्प यात्रामा रहेका ओली भोजपुरबाट धनकुटा प्रवेश गरेपछि यस्तो घट्ना भएको हो। प्रहरीले घटनाबारे थप अनुसन्धान भइरहेको जनाएको छ।