काठमाडौं– जल तथा मौसम पूर्वानुमान महाशाखाले आज मधेश प्रदेशका केही स्थानमा हावाहुरीको सम्भावना रहेको जनाएको छ।

देशको पहाडी भू–भागमा भने आंशिकदेखि साधारणतया बदली तथा बाँकी भू–भागमा मौसम सफा रहेको जनाएको छ । अहिले बागमती र गण्डकी प्रदेशका केही पहाडी भू–भागका थोरै स्थानहरुमा मेघगर्जन र चट्याङसहित हल्कादेखि मध्यम वर्षा भइरहेको छ।

महाशाखाले आज कोशी, बागमती र गण्डकीमा आंशिक बदली रही बाँकी भू–भागमा मौसम मुख्यतया सफा रहने उल्लेख छ भने यी प्रदेशका केही पहाडी भूभागमा मेघगर्जनसहित पानी पर्ने सम्भावना पनि छ ।