सेनासँगको दोहोरो भिडन्तमा मारिएका सिकारीको पहिचान खुल्यो
शीर्ष खबर 
वीरगन्ज– पर्सा राष्ट्रिय निकुञ्जको सुरक्षार्थ खटिएको नेपाली सेनासँगको दोहोरो भिडन्तमा मारिएका शिकारीको पहिचान भएको छ।
आरक्षको कोर क्षेत्रभित्र आज विहान करिव साढे ८ बजे भिडन्त हुँदा मकवानपुरको हेटौँडा उपमहानगर–१४ का ५२ वर्षीय सुकबहादुर तिक्तुङ्गको मृत्यु भएको प्रहरीले जनाएको छ।
गस्तीमा रहेको निकुञ्ज कर्मचारी र नेपाली सेनासहितको टोलीसँग वन्यजन्तु सिकारीको जम्काभेट हुँदा दोहोरो झडप भएको थियो। झडपमा सिकारी सुकबहादुरको मृत्यु भएको इलाका प्रहरी कार्यालय सिमराले जनाएको छ।
झडपको क्रममा हतियारसहित ५ जनाको समूहमा आएका सिकारीहरूमध्ये ४ जना भाग्न सफल भएको जनाईएको छ। सिकारीहरू भाग्ने क्रममा उनीहरूको साथबाट २ थान भरुवा बन्दुक, त्यसमा प्रयोग हुने ५७ राउन्ड गोली, ३ सय ग्राम बारुद, २ वटा मोबाइल, हँसिया, खुकुरी, लाइटर लगायतका सामग्री बरामद गरिएको इप्रका सिमराका प्रमुख चिरञ्जीवी दाहालले बताए।
यो पनि,
