धनकुटामा भीरबाट खसेको वस रुखमा अड्कियो, घाईते २६ मध्ये ४ जनाको अवस्था गम्भिर
शीर्ष खबर
१० कार्तिक २०८१ १३:१५
विराटनगर– धरानबाट धनकुटाको पाख्रिबास जाँदै गरेको यात्रु बस कोशी राजमार्गको धनकुटामा दुर्घटना हुँदा २६ जना यात्रु घाईते भएका छन्।
धरान–धनकुटा सडकखण्ड अन्तर्गत सागुरीगढी गाउँपालिका–६, कोल्बोटेमा को. १ ख २७५५ नम्बरको बस शनिबार दिउँसो दुर्घटना भएको हो। बस सडकबाट ५० मिटर भीरमा खसेर रुखमा अड्किएको छ।
इलाका प्रहरी कार्यालय भेडेटारका इन्स्पेक्टर रमेश प्रधानका अनुसार घाइते २६ मध्ये ४ जनाको अवस्था गम्भीर छ। घाइतेहरुको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको छ।
दुर्घटनाबारे अनुसन्धान भइरहेको जिल्ला प्रहरी कार्यालय धनकुटाले जनाएको छ।
प्रतिक्रिया
