लहान– सिरहामा शुक्रबार राती तीन जना सवार मोटरसाईकल दुर्घटना हुँदा १ युवकको घटनास्थलमै मृत्यु भएको छ भने २ जना घाइते छन्। घाईतेको अवस्था चिन्ताजनक छ।

चोहर्वाबाट सिरहा सदरमुकाम जाँदै गरेको मोटरसाईकल सिरहा नगरपालिका–९, गुलरियामा अनियन्त्रित भएर दुर्घटना भएको हो। दुर्घटनामा सिरहाकै नवराजपुर गाउँपालिका–१, तामासुइयाका ३२ वर्षीय रंजित मुखियाको घट्नास्थलमै मृत्यु भएको छ।

मोटरसाइकलमा सवार सोही ठाउँका ३५ वर्षीय अरबेन्द्र यादव र ३७ वर्षीय रामबाबु साह घाइते भएका छन्। प्रहरीले घाइते दुबै जनालाई प्रादेशिक अस्पताल सिरहा पु¥याएको थियो। त्यहाँ उपचार सम्भव नभएपछि दुवैलाई विराटनगरको न्यूरो अस्पताल लगिएको छ।

टाउकोमा चोट लागेका दुवै घाइतेको अबस्था गम्भीर रहेको प्रहरीले जनाएको छ। मोटरसाइकलको नम्बर खुलेको छैन।