जनकपुर– धनुषाको जनकपुरधाम उपमहानगरपालिका–२० झण्डाचोकमा गणेश पूजाको मूर्ति विसर्जनलाई लिएर हिन्दू र मुस्लिम समुदायबीच झडप भएको छ।

मूर्ति विसर्जनका लागि जुलुस मुस्लिम बस्ती हुँदै लैजाने क्रममा विवाद उत्पन्न भएको थियो। विवाद चर्किँदै जाँदा दुवै पक्षबीच ढुंगा–मुढा चलेको र झडप भएको प्रहरीले जनाएको छ।

स्थिति नियन्त्रणमा लिन प्रहरीले चार राउन्ड अश्रुग्यास प्रहार गरेको धनुषा प्रहरी प्रवक्ता डीएसपी बरुण बहादुर सिंहले जानकारी दिए। उनका अनुसार अहिले त्यहाँको अवस्था तनावग्रस्त बनेको छ। कुनै अप्रिय घटना हुन नदिन नेपाल प्रहरी र सशस्त्र प्रहरी बल ठूलो संख्यामा परिचालन गरिएको छ।

झडपमा घाइते भएकाको विवरण भने अहिलेसम्म प्राप्त नभएको डिएसपी सिंहले बताए।