काठमाण्डौं– भारतको विहार राज्यस्थित मुजफ्फरपुरमा एक दलित बालिकाको सामूहिक बलात्कारपछि हत्या गरिएको छ।

दलित समुदायकी १५ वर्षीया बालिकाको शव १२ अगस्तका दिन गाउँको चौरमा नग्न अवस्थामा फेला परेको थियो। घटनामा पीडित परिवारले अपहरण, सामूहिक बलात्कार र हत्याको मुद्दा दायर गरेको छ।

परिवारको बयानका आधारमा एक जना नाम किटान गरिएका र अन्य अपरिचित ५ जनाविरुद्ध मुद्दा दर्ता गरिएको हो। तर घटनामा प्रहरीले हालसम्म एक जनालाई मात्र पक्राउ गरेको छ। मुजफ्फरपुर प्रहरीले शनिबार यस घटनाका आरोपित सञ्जय रायको घर नियन्त्रणमा लिएको छ।