जनकपुर– जनकपुरधाम उपमहानगरपालिका–२४ का वडाध्यक्ष ५७ वर्षीय उपेन्द्र सहनी साढे ४ लाख घुस खाएको रकमसहित पक्राउ परेका छन्। अख्तियार दुरुपयोग अनुशन्धान आयोगको टोलीले वडाध्यक्ष सहनी र वडा सचिवसहित ३ जनालाई रङ्गेहात पक्राउ गरेको हो।

पक्राउ पर्ने वडासचिव ५२ वर्षीय उपेन्द्र साह र ४५ वर्षीय विजय मण्डलसमेत छन्। आयोगको केन्द्रीय कार्यालय टंगाल र बर्दिबास कार्यालयको संयुक्त टोलिले उनीहरुलाई आज दिउँसो वडा कार्यालय परिसरबाटै पक्राउ गरेको हो।

सेवाग्राहीबाट लिएको घुस रकम ४ लाख ५० हजार रुपैयाँसहित तीनै जना पक्राउ परेको आयोगले जनाएको छ। घरबाटो प्रमाणित गरी दिनका लागि उक्त रकम मागेको भन्ने सूचनाका आधारमा पछ्याएर रकमसहित पक्राउ गरी थप अनुसन्धान थालिएको आयोगले जनाएको छ।