दमक– झापा विद्युती सीटी सफारी चार्ज गर्ने क्रममा करेन्ट लागेर मंगलबार एक जनाको मृत्यु भएको छ। इलामको माई नगरपालिका–५ घरका करिव २६ वर्षीय कमल बुर्जामगरको मृत्यु भएको हो।

झापाको दमक नगरपालिका–८ मा डेरा बसेर आफ्नै सीटी सफारी चलाउँदै आएका मगरलाई बिहान करिव साढे ९ बजे करेन्ट लागेको थियो। भाडामा बसेको टाँडे घरको भुइँ तलामा उनी गम्भीर घाइते अवस्थामा भेटिएका भएका थिए।

दमक अस्पतालमा प्राथमिक उपचारपछि थप उपचारका लागि बिर्तामोडस्थित बीएन्डसी अस्पताल पुर्याउनासाथ विहान सवा ११ बजे उनको मृत्यु भएको प्रहरीले जनाएको छ। सफारी चार्ज गर्ने क्रममा विद्युत सर्ट भएर मगरलाई करेन्ट लागेको हुनसक्ने प्रहरीको अनुमान छ।