दुर्घटनामा मृत्यु भएको भनिएका वडाध्यक्षको हत्यामा संलग्न भएको आरोपमा २ जना पक्राउ
शीर्ष खबर 
जनकपुर — मोटरसाईकल दुर्घटनामा मृत्यु भएको भनिएका महोत्तरीको रामगोपालपुर–२ का वडाध्यक्ष मुकेश यादवको हत्या भएको आशंकामा प्रहरीले दुई जनालाई पक्राउ गरेको छ।
औरही नगरपालिका –७ भोइल टिमकियाका संजिव झा र दिलिप मण्डललाई प्रहरीले हत्या आरोपमा पक्राउ गरेको छ। वडाध्यक्ष यादवको रहस्यमय मृत्यु प्रकरणमा उनीहरुको संलग्न रहेको आशंका भएपछि पक्राउ गरिएको प्रहरीले जनाएको छ।
प्रहरीले दुवै जना विरुद्ध कर्तव्य ज्यान मुद्दा दर्ता गरी अनुसन्धान गरिरहेको छ। जिल्ला प्रहरी कार्यालयका डीएसपी सन्तुलाल प्रसाद जैसवारका अनुसार दुवै जनालाई थप अनुसन्धानका जिल्ला अदालतले म्याद दिएको छ।
यद्यपी, वडाध्यक्ष यादवको हत्या वा दुर्घटना भन्नेमा सरोकारवालाहरुबीच मतभेद छ। जिल्लाका वडाध्यक्षहरूले यादवको हत्या भएको दाबी गर्दै कारबाहीका लागि माग गर्दै आएका छन्। वडाध्यक्ष यादवको मृत्युबारे सीआइबीले समेत अनुसन्धान गरिरहेको छ।
८ भदौको साँझ मोटरसाईकल चढी बर्दिबासबाट रामगोपालपुरतर्फ आउने क्रममा वडाध्यक्ष यादवको रहत्यमय तरिकाले मृत्यु भएको थियो। जलेश्वर बर्दिवास सडकखण्डको बर्दिवास नगरपालिका–८ स्थित कलभर्ट छेउमा ९ भदौको बिहान उनी मृत फेला परेका थिए।
यादव मृत फेला परेको छेउमा लु.प्रदेश ०१–००१ प ६३६२ नम्बरको मोटरसाइकल पनि दुर्घटनाग्रस्त अवस्थामा भेटिएको थियो। वडाध्यक्ष यादव सवार मोटरसाईकल कलभर्टमा ठोक्किएर दुर्घटना भएको आशंका गरिएको थियो।
यो पनि,
