राजविराज — सप्तकोशी नदीमा पानीको वहाब वढेसँगै पश्चिमी तटबन्धमा भईरहेको सिपेज र कटान कम भएको छ।

पश्चिमी तटबन्धअन्तर्गत हनुमाननगर कंकालिनी नगरपालिका–१ भारदहस्थित कंकालिनी भगवती मन्दिरभन्दा करिब एक किलोमिटर उत्तर तटबन्धमा सिपेज भएपछि शनिवार साँझबाट कटान सुरु भएको थियो।

सप्तरीका प्रमुख जिल्ला अधिकारी मेखबहादुर मग्रातीले सिपेज भएर कटान हुन थालेपछि उक्त क्षेत्र मर्मतका लागि भारतीय कोसी योजनालाई जानकारी गराएको बताएका थिए। उक्त क्षेत्रको मर्मतको जिम्मेवारी भारतीय कोसी योजनाको हो।

स्थानीयका अनुसार वाढी घट्न थालेपछि सिपेज पनि कम हुँदै गएको छ। विहान साढे ७ बजेको मापन अनुसार कोशी ब्यारेजमा पानीको वहाव ६ लाख ५५ हजार ५ क्युसेक छ। विहान ७ बजेको मापनमा पानीको वहाव ६ लाख ६१ हजार क्युसेक भन्दा माथि थियो।

भीडीओसहित हेर्न यहाँ क्लिक गर्नुहोस।