काठमाडौँ– मकवानपुरमा माछा मार्न गएका स्थानीयले बागमती नदी किनारमा ३ वटा शव फेला पारेका छन्। बकैया गाउँपालिका–१० मन्थलीस्थित खोला किनारमा ती शव फेला परेका हुन।

माछा मार्ने क्रममा शव देखेपछि स्थानीयले गाउँपालिका अध्यक्ष धर्मराज लामिछानेलाई खबर गरेका थिए। त्यहाँ दुई पुरुष र एकजना महिलाको शव फेला परेको लामिछानेले बताए। शवबारे जानकारी भएको मकवानपुरका सीडीओ तीर्थराज चिलुवालले बताए।

बागमती किनारमा भेटिएका ती शव काठमाडौं उपत्यकाबाट बाढीले बगाएरल्याएको हुनसक्ने उनको अनुमान छ।