जनकपुर– पूर्वपश्चिम राजमार्ग अन्तर्गत रौतहटको जंगलमा गएराति कार र ट्क्याक्कर ठोक्किदा १ जनाको मृत्यु भएको छ।

चन्द्रपुरस्थित पौराइमा आइतबार राति करिब आठ बजे बीएसी ५६०३ नम्बरको कार र धानझार्ने थ्रेसर मेसिन बोकेको लु ५ त १४०९ नम्बरको ट्याक्टर आपसमा ठोकिँदा भारतको पूर्वी चम्पारण घर भएका भोला गिरी (४०) को मृत्यु भएको हो।

पौराइको गाउँमा धान झारेर राजमार्गमा निस्कँदै गरेको ट्याक्टरसँग तीव्र गतिमा पश्चिम जाँदै गरेको कार ठोक्किएर दुर्घटना भएको जिल्ला प्रहरी कार्यालय रौतहटले जनाएको छ। डीएसपी दीपककुमार रायले भने–‘दुवै चालकको असावधानीले दुर्घटना भएको देखिन्छ।’

प्रहरीका अनुसार मृतक गिरी मस्त्री हुन। उनी बिग्रिएको थ्रेसर मेसिन बनाउन गएका थिए। धान झार्ने क्रममा बिग्रिएको थ्रेसर बनाएर सोही ट्याक्टरमा चढेर डेरा फर्किंदै गर्दा उनी दुर्घट्नामा परेको प्रहरीले जनाएको छ।

कार चालक चितवनको भरतपुर महानगरपालिका– २ का दल्लु बनसललाई प्रहरीले पक्राउ गरेको छ।