दमक– करिब एक साताअघि मोटरसाइकल दुर्घटनामा घाइते भएका हल्दिबारीका गाउँपालिका–२ का एक युवकको मृत्यु भएको छ।

१८ कात्तिक (भाइटीका) को साँझ करिव सवा ७ बजे भएको मोटरसाईकल दुर्घटनामा घाईते भएका सुमन मर्डी (२१) को गएराति मृत्यु भएको हो।

जिल्ला प्रहरी कार्यालय झापाका अनुसार भद्रपुर नगरपालिकाको धनुषमोडबाट केन्द्रमोडतर्फ जाँदै गरेको मे ६ प ३०७७ नम्बरको मोटरसाइकल वडा नम्बर १०, त्रिवेणी टोलमा आफैँ अनियन्त्रित भएर दुर्घट्ना भएको थियो।

दुर्घट्नामा मोटरसाईकल चालक मर्डी घाइते भएका थिए। उनलाई उपचारका लागि प्रादेशिक अस्पताल भद्रपुर लगिएको थियो। थप उपचारका लागि उनलाई सोही दिन राति साढे ९ बजे बिर्तामोडस्थित बीएण्डसी अस्पताल थियो।

अवस्था गम्भिर हुँदै गएपछि २३ कात्तिकमा भारत लगिएको थियो। त्यहाँ पनि उपचार सम्भव नभएपछि आफन्तजनले उनलाई घरमै ल्याएर राखेका थिए। २५ कात्तिकमा विराटनगर स्थित न्यूरो अस्पताल लगेर सामान्य उपचार पछि पुनः घर फर्काईएको उनको गएराति साढे १२ घरैमा मृत्यु भएको प्रहरीले जनाएको छ।