लुम्बिनीमा बस, कार र मोटरसाइकल आपसमा ठोक्किँदा २ जनाको मृत्यु
शीर्ष खबर
२२ मंसिर २०८१ ७:२१
काठमाडौँ– कपिलवस्तुको लुम्बिनीमा आज बिहान बस, कार र मोटरसाइकल ठोक्किँदा २ जनाको मृत्यु भएको छ।
भैरहवा–तौलिहवा सडक खण्डमा लु २ ख २३१ नम्बरको बस, बा. १४ च ७४४८ नम्बरको कार र लु ३८ प ९१९९ नम्बरको मोटरसाइकल आपसमा ठोक्किएएर दुर्घट्ना भएको थियो।
दुर्घटनामा कार चालक वाणगंगा नगरपालिका–४ का ४५ वर्षीय इन्द्रबहादुर सार्की र सोही गाडीमा सवार प्युठानको पकला गाउँपालिका–७ का ४३ वर्षीय भीमबहादुर सारुको मृत्यु भएको छ।
दुर्घटनाका ११ जना घाइते छन्। ति मध्ये १ जनाको अवस्था गम्भीर छ भने २ जना मध्यम र ८ जना सामान्य छन्। जिल्ला ट्राफिक प्रहरी इन्स्पेक्टर पंकज चुदालीका अनुसार कारमा सवार १ जनाको अवस्था गम्भीर छ। उनको भैरहवा स्थित मेडिकल कजेलमा उपचार भइरहेको छ।
बस चालक कपिलवस्तु मायादेवी गाउँपालिका–४ बनकसियाका ३७ वर्षीय सुरेश धोबीलाई प्रहरीले नियन्त्रणमा लिएको छ।
प्रतिक्रिया
