काठमाडौं– ललितपुरको सिचाहिटीस्थित ललितपुर गेस्टहाउसमा सोलु घर भएका एक युवक मृत फेला परेका छन्। सोलुखुम्बुका २१ वर्षीय जीवन निरौला गेष्ट हाउसको कोठाभित्र मृत फेला परेका हुन।

उनी शनिबार राति साढे ९ बजे गेस्टहाउस पुगेका थिए। आइतबार बिहान साढे ११ बजेसम्म पनि उनी बसेको कोठाको ढोका नखुलेपछि झ्यालबाट हेर्दा निरौला घोप्टो अवस्थामा सुतेको देखिएको थियो।

तर, बोलाउँदा पनि कुनै प्रतिक्रिया नजनाएपछि ढोका फुटाएर हेर्दा उनी मृत भेटिएका थिए। उनी सुतेको कोठामा लागु औषध एम्पुलहरु फेला परेको जिल्ला प्रहरी परिसर ललितपुरका एसपी नरेशराज सुवेदीले बताए।

यसैका आधारमा निरौला लागु औषध प्रयोगकर्ता भएको हुनसक्ने आशंका प्रहरीको छ।