जनकपुर– धनुषाको कमला नगरपालिकामा सुरु भएको श्री विष्णु महायज्ञको मुख्य मण्डपमा शुक्रबार आगलागि भएको छ। वडा नम्वर ५ स्थित कमला नदीको तटमा भईरहेको महायज्ञको हवन गर्ने मुख्य मण्डपमै आगलागी भएको हो।

मण्डपमा आगो लागेपछि सहभागी भक्तजनहरुको भागाभाग भएको थियो। भागदौडमा एक महिला लडेर घाइते भएकी छन। उनको स्थानीय अस्पतालमा उपचार भएको छ। हवन मण्डपमा बाँस र खर प्रयोग गरिएकाले आगलागी भएको जनाईएको छ।

भण्डारको कुनाबाट सुरु भएको आगलागीले हवन मण्डप जलेर पूर्णरुपमा क्षति भएको स्थानीयले वताएका छन्। महायज्ञमा सुरक्षाका लागि प्रहरीलाई समेत खवर नगरिएकाले पनि आगलागीले क्षती वढी भएको स्थानीयले जानकारी दिएका छन्।

उनीहरुका अनुसार आगलागीका समयमा घट्नास्थलमा प्रहरी पुगेको थिएन।