राजविराज– सुनसरीको इटहरीस्थित कलंकी चोकमा दुई वटा मोटरसाईकल ठोक्किदा एउटा मोटरसाइकलमा आगालागी भएको छ।

आगलागीबाट प्रदेश १–०२–०४३ प ६२५३ नं. को मोटरसाइकल जलेर पूर्ण रुपमा नष्ट भएको इलाका प्रहरी कार्यालय इटहरीले जनाएको छ।

पश्चिमबाट पूर्व जाँदै गरेका दुई मोटरसाईकल कलंकी चोकमा ठोक्किएका हुन्। कलंकी चोकबाट बसपार्कतर्फ मोडिन लागेको प्रदेश १–०२–०४३ प ६२५३ नं. को पल्सर मोटरसाईकललाई पछाडिबाट प्रदेश १–०४–००१ प ८७७६ को मोटरसाइकलले ठक्कर दिएको थियो।

दुर्घटनापछि आगलागी हुँदा पल्सर बाइक जलेर पूर्णरुपमा नष्ट भएको छ। चालकहरु शकुशल रहेको प्रहरीले जनाएको छ।