सप्तरीमा ट्रक दुर्घटना हुँदा भित्रै चेपिएर चालकको मृत्यु

राजविराज– क्लिङकर बोकेर पूर्व जाँदै गरेको मालवाहक ट्रक सप्तरीमा दुर्घटना हुँदा चालकको मृत्यु भएको छ।
पूर्वपश्चिम राजमार्ग अन्तर्गत सप्तरीको शम्भुनाथ नगरपालिका–५, मोहनपुर पुलमा विहान करिव साढे ६ बजे मधेश प्रदेश–०३–००१ ख ८१८१ नम्बरको ट्रक दुर्घटनामा परेको हो। क्लिङकर लोड गरेको १२ चक्के ट्रक पुलबाट करिब २० मिटर तल खसेर दुर्घटना हुँदा चालकको भित्रै चेपिएर मृत्यु भएको प्रहरीले जनाएको छ।
ट्रकभित्र चेपिएर चालक मोरङको उर्लाबारी नगरपालिका–१ का २५ वर्षीय सबिन राईको मृत्यु भएको सप्तरी प्रहरीका डिएसपी ढुण्डीराज नेउपानले जानकारी दिए। क्रेनको सहयोगमा शव निकाल्ने प्रयास भईरहेको उनको भनाई छ।
प्रतिक्रिया