आफ्नै एकल आमालाई बलात्कार गरेको आरोपमा २९ वर्षीय युवक पक्राउ, थाहा नपाएको छोराको बयान
शीर्ष खबर 
काठमाण्डौं– आफ्नै आमालाई बलात्कार गरेको आरोपमा प्रहरीले रोल्पाको त्रिवेणी गाउँपालिकाबाट २९ वर्षीय युवकलाई पक्राउ गरेको छ।
युवकले शुक्रबार राती ५६ वर्षीया आफ्नै आमालाई बलात्कार गरेको प्रहरीको आरोप छ। पीडित महिलाको पतिको मृत्यु भईरहेको छ।
रक्सीले मातेको छोराले आफूलाई बलात्कार गरेको भन्दै महिलाले छोरीलाई बताएकी थिईन। त्यसपछि पीडितकी छोरीले आफनो दाजु विरुद्ध प्रहरीमा उजुरी गरेकी थिइन्। सोही उजुरीका आधारमा आरोपीलाई पक्राउ गरिएको प्रहरीले जनाएको छ।
आफ्नै घरमा सुतिरहेकी आमालाई रक्सीले मातेका छोराले मुख छोपेर बोल्न र कराउनसमेत नदिइ जबरजस्ती बलात्कार गरेको भन्ने जाहेरीमा उल्लेख रहेको जिल्ला प्रहरी कार्यालय रोल्पाका इन्स्पेक्टर केशवराज बाराकोटीले जानकारी दिए।
युवकले भने घटनाबारे आफूलाई थाहा नभएको बताएका छन्। प्रहरीका अनसार ती युवकले दुइटी श्रीमती विवाह गरेका थिए। अहिले दुवै श्रीमती उनको साथमा नरहेको खुलेको छ। पक्राउ परेका युवकबिरुद्ध हाडनाता करणी अन्तर्गतको मुद्दा दायर गरी थप अनुसन्धान भइरहेको प्रहरीले जनाएको छ।
