विराटनगर– मोरङको मिक्लाजुङमा विहिबार साँझ स्कुटर रुखमा ठोक्किएर दुर्घटना हुँदा चालकको मृत्यु भएको छ।

उर्लाबारीको किसान चोकबाट टाँडीतर्फ जाँदै गरेको प्रदेश १–०२–०५२ प ४०६४ नम्बरको स्कुटर मिक्लाजुङ गाउँपालिका–६ सुन्दरी चोकस्थित जंगलमा आफैं अनियन्त्रित भई रुखमा ठोक्किएको थियो।

दुर्घटनामा स्कुटर चालक झापाको मेचीनगर नगरपालिका–१ का ५५ वर्षीय कृष्ण थुलुङको घटनास्थलमै मृत्यु भएको मोरङ प्रहरीका डीएसपी ज्ञानेन्द्रबहादुर बस्नेतले बताए।

उनका अनुसार दुर्घटनामा मिक्लाजुङ गाउँपालिका–६ का अन्दाजी ५० वर्षीय रमेश राई गम्भीर घाइते भएका छन्। उनको उपचार भइरहेको छ।