दुर्गा प्रसाईका समर्थकले झापामा ३ ओटा भारतीय ट्रकमा आगो लगाए

दमक– झापामा मेडिकल ब्यवसायी दुर्गा प्रसाईका समर्थकले ३ वटा ट्रकमा आगजनी गरेका छन्। झापाका अगलअलग स्थानमा भारतीय नम्बर प्लेटका ३ वटा ट्रकमा आगजनी गरिएको हो।

सोमबार बिहानै पूर्व–पश्चिम राजमार्गअन्तर्गत बिर्तामोड नगरपालिका–६ गिरीबन्धु टी–इस्टेटनजिकै डब्लूबी–७३–ई–३०५७ नम्बरको खाली ट्रकलाई रोकेर आगजनी गरिएको छ। सुनसरीको दुहबीबाट काँकडभिट्टा जाँदै गरेको ट्रकलाई ५/६ जनाको समूहले रोकेर आगो लगाएको हो।

यसैगरी, धाइजनमा डब्लूबी–७३–ई–३०५६ नम्बरको ट्रकमा आगजनी गरिएको छ। आईतबार राती कन्काई नगरपालिका–८ स्थित बिरिङ खोलाको पुलमा यूपी –५७ एटी–४४९३ नम्बरको मालबाहक ट्रकमा आगो लगाइएको थियो।

प्लाइ बनाउन प्रयोग हुने कच्चा पदार्थ बोकेर बिर्तामोडबाट सुरुङ्गातर्फ जाँदै गरेको ट्रकलाई ६ वटा मोटरसाइकलमा आएका १०/१२ जनाको समुहले आगजनी गरेको थियो।

प्रहरीका अनुसार ३ वटै ट्रकमा प्रसाईंका समर्थकले आगजनी गरेका हुन्। प्रसाईं पक्राउ परेको विरोधमा आन्दोलित बनेका उनका समर्थकले अराजक गतिविधि गरिरहेको प्रहरीले जनाएको छ। प्रसाईंलाई रिहा गर्नुपर्ने मागसहित आन्दोलनमा उत्रिएकामध्ये २ जना समर्थकलाई आईतबार प्रहरीले पक्राउ गरेको थियो।

राष्ट्र, राष्ट्रियता, धर्म, संस्कृति र नागरिक बचाउ महाअभियानका झापा जिल्ला संयोजक रामचन्द्र मैनाली र नागरिक प्रतिरक्षा बल (पीडीएफ) का मेची अञ्चल संयोजक दुरेन राई पक्राउ परेका थिए।

प्रसाईका समर्थकले आज विहानैदेखि राजमार्गहरुमा अवरोध गरिरहेका छन्। प्रसाईंलाई पक्राउ गरिएको विरोधमा आज (सोमबार) झापामा चक्काजामको आह्वान गरिएको छ।


प्रतिक्रिया

Leave a Reply

Your email address will not be published. Required fields are marked *

लोकप्रिय

ताजा अपडेट