कोशी ब्यारेजमा बाढीको वहाव ५ लाख २१ हजार क्यूसेक माथि, ५६ वटै ढोका खुल्ला

राजविराज– सप्तकोशीको कोशी ब्यारेजमा वाढीको वहाव निरन्तर वढ्ने क्रममा छ। मध्यान्ह १२ बजेपछि वाढीको वहाव एक घण्टामै १४ हजार क्यूसेकले वृद्धि भएको छ।
शनिवार दिउँसो १ बजेको मापन अनुसार काशी ब्यारेजमा पानीको वहाव सवा ५ लाख क्यूसेकको हाराहारीमा पुगेको छ।
१ बजेको मापनमा सप्तकोशी नदीमा पानीको बहाब ५ लाख २१ हजार ४५५ क्यूसेक छ। १२ बजेमो मापनमा पानीको बहाब ५ लाख ७ हजार ६९० क्यूसेक थियो।
कोशी व्यारेजका ५६ वटै ढोका खोलिएका छन्। भारतको बिहार राज्य अन्तर्गत जल संशाधन मन्त्रालयले शनिबार दिउँसोसम्म पानीको बहाब ६ लाख ८१ हजार क्यूसेक पुग्न सक्ने भन्दै सचेत गराएको छ।
प्रतिक्रिया