दमक– झापाको मेचीनगरमा रोकेर राखेको भारतीय नम्वर प्लेटको गाडीमा मंगलबार साँझ आगलागी भएको छ।

पूर्व–पश्चिम राजमार्ग अन्तर्गत मेचिनगर नगरपालिका–७, इट्टाभट्टास्थित डब्लुबी ७४ एआर ७१५० नम्बरको कारमा साँझ करिव साढे ६ बजे अचानक आगलागी भएको हा। एनएमसी डेरी अगाडी कार गुडिरहेको अवस्थामा अचानक आगलागी भएको हो।

ब्याट्री सर्ट भएर आगलागी भएको आशंका गरिएको छ। तर एकिन कारण खुलेको छैन। कारमा रहेका यात्रुहरू भने सुरक्षित रहेको प्रहरीले जनाएको छ। प्रहरीको सहयोगमा कारामा लागेको आगो नियन्त्रणमा लिइएको छ।

आगलागीका कारण कार पूर्णरूपमा जलेर नष्ट भएको छ। आगलागीपछि केही समय साजमार्ग समेत अवरुद्ध भएको थियो।