खोटाङमा मृग सम्झेर साथीले हानेको भरुवा वन्दुकको गोली लागेर एक जनाको मृत्यु
शीर्ष खबर
२३ कार्तिक २०८१ २:१६
विराटनगर– खोटाङमा मृग सम्झेर साथीले हानेको भरुवा वन्दुकको गोली लागेर एक जनाको मृत्यु भएको छ।
सिकार खेल्न सँगै जङ्गल गएका केपिलासगढी गाउँपालिका–१ फेदीका चेतन राई (२५) ले प्रहार गरेको भरुवा बन्दुकको गोली लागेर स्थानीय जगतप्रसाद राई (५८) को मृत्यु भएको हो।
उनीहरु बुधबार राती फेदीको हात्तीढुङ्गे जङ्गलमा सिकार खेल्न गएका थिए। गोली लागेर जगतप्रसादको घटनास्थलमै मृत्यु भएको हो। मृग जस्तो लागेर आफुले हानेको गोली जगतलाई लागेको चेतनले बयान दिएका छन्।
उनलाई प्रहरीले पक्राउ गरेको छ।
प्रतिक्रिया
