झोलुङ्गे पुलको पर्खाल लगाउने क्रममा माटोको ढिस्कोले पुरिएर ५ जनाको मृत्यु*
शीर्ष खबर
१६ मंसिर २०८१ ८:३५
काठमाडौँ– रोल्पाको सुनछहरी गाउँपालिका–३ बाहिरी गाम भन्ने ठाउँमा आज विहान निर्माणाधिन झोलुङ्गे पुलको पर्खाल लगाउने क्रममा माटोको ढिस्कोले पुरिएर ५ जनाको मृत्यु भएको छ।
बिहान करिव १० बजे ढिस्कोले पुरिएर सोही ठाउँका ४५ वर्षीय दुजमन परियार, ३१ वर्षीय ओम परियार, ४० वर्षीया सुबित्रा परियार, २७ वर्षीया आईती परियार र ६६ वर्षीय देविराम परियारको मृत्यु भएको हो।
जिल्ला प्रहरी कार्यालय रोल्पाका अनुसार पर्खाल लगाउने क्रममा माटोको ढिस्को खसेर उनीहरुलाई पुरेको थियो। प्रहरीले मृत्यु भएका पाँचै जनाको शव निकालेको छ।
दुई जनाले भागेर ज्यान जोगाएका छन्। घटनास्थलमा इलाका प्रहरी कार्यालय सुलिचौर र प्रहरी चौकी गामबाट प्रहरीको टोली खटिएको छ।
मौलाबाङ र बाहिरी गाम जोड्ने झोलुङ्गे पुलका लागि एलबी एण्ड पल्लभी जक्सन जेभी निर्माण सेवाले झोलुङे पुल निर्माण गरिरहेको छ।
*अपडेट
प्रतिक्रिया
