काठमाडौँ– भारतको उत्तर प्रदेशस्थित देवरियामा विवाहको तयारी गरिरहेकी एक युवतीले प्रेमीको ब्ल्याकमेल सहन नसकेर आत्महत्या गरेकी छिन्। प्रेमीले विवाह रद्द गर्न धम्की दिएको र असफल भएपछि आपत्तिजनक तस्वीर अनलाइनमा भाईरल बनाई दिएपछि युवतीले आत्महत्या गरेकी हुन्।

घटनाको विवरण अनुसार, युवतीको विवाह आगामी नोभेम्बरका लागि तय भएको थियो। तर, प्रेमी दीपक तिवारीले करिब एक महिनादेखि युवतीलाई धम्की दिँदै आएका थिए। उनले ‘जबसम्म मेरो विवाह हुँदैन, तबसम्म विवाह गर्न पाउँदिस’ भन्दै धम्की दिदै आएको खुलेको छ।

भारतीय मिडिया आज तकका अनुसार यसै क्रममा उनले युवतीका मंगेतर र भाइलाई युवतीको आपत्तिजनक तस्वीर पठाएका थिए। र त्यसलाई सामाजिक सञ्जालमा समेत अपलोड गरिदिए। कसैले युवतीकी आमालाई पनि ती तस्वीर देखाइ दिए। त्यसपछि युवती आफैंले पनि ती तस्विरहरु देखिन्। त्यसपछि उनले छतमा गई फाँसी लगाएर आत्महत्या गरेको जनाईएको छ।

परिवारले उनलाई तत्कालै सलेमपुर अस्पताल पु¥याए, जहाँ चिकित्सकले उनलाई मृत घोषित गरे। युवती सलेमपुर कस्बामा आफ्नै परिवारसँग बस्दै आएकी थिइन्। मृतककी आमाले प्रहरीमा दिएको उजुरीमा आरोपीले युवतीलाई प्रेमजालमा पारी शारीरिक शोषण गरेको उल्लेख छ। त्यस कारण युवती मानसिक रूपमा पीडित भइन् र तनावमा थिईन।

मृतककी आमाले बताए अनुसार, परिवार अत्यन्तै गरीब छ। युवतीका पिता छैनन्, आमाले आफैं काम गरेर परिवार धानिरहेकी छन्। उनका छोरा पनि एउटा पसलमा काम गर्छन।