काठमाडौँ– मन्त्रिपरिषदको निर्णय र औपचारिक जानकारी विना नै जापान पुगेका कोशी प्रेदश सरकारका तत्कालिन मन्त्री लिलावल्लभ अधिकारीमाथि मानव तस्करीको गम्भिर आरोप लाग्यो। जापानले उनलाई डिपार्ट गर्यो। यद्यपी, महान्यायाधिवक्ताको कार्यालय र अदालतबाट उनले उन्मुक्ति पाईसकेका छन्

तर, न्यायिक परिक्षण हुनै नपाई मुद्दा नै नचाउने निर्णय गरेर अधिकारीलाई उन्मुक्ति दिएको भन्दै यो विषयलाई सर्वसाधारणले पचाई सकेका छैनन्।

यता, अधिकारीकै शैलीमा एक जना संघीय मन्त्रि पनि अहिले विदेश भ्रमणमा रहेको खुलेको छ। ती मन्त्रि हुन– सप्तरी निवासी महिला बालबालिका तथा ज्येष्ठ नागरिक मन्त्रि नवलकिशोर साह सुडी। उनी अहिले मन्त्रिपरिषद्को निर्णयबिनै कतार पुगेका छन्।

कसैलाई थाहासमेत नदिई कतार च्यारिटी भन्ने आइएनजिओको स्पोन्सरमा कतारमा घुमफिर गरिरहेको खुलेपछि अहिले उनको बारेमा चासो वढेको छ।

यता, उनका छोरा सुमित साहले मन्त्रीकै हैसियत र दिपक मनाङे स्टाइलमा एनजिओ र आइएनजिओलाई धम्की दिँदै असुली धन्दा चलाईरहेको जनआस्था डटकमले समाचार लेखेको छ। समाचार अनुसार उनले समाजकल्याणका योजना प्रमुखको सहायतामा मिसन ०८४ भन्दै परियोजनाको फाइल स्वीकृतिका लागि धम्की दिएर पैसा उठाउँदै आएका छन्।

पीडित एनजिओ/आइएनजिओ प्रमुखहरुका अनुसार यसरी खुलेआम मोलमोलाइ गर्ने र दुःख दिने काम यसअघि कहिलै भएको थिएन। स्रोतका अनुसार मन्त्रिका बाबुछोराको कृयाकलापका कारण गठवन्धन दल नेपाली कांग्रेस र सरकारको नेतृत्व गरिरहेको एमालेका नेताहरु हैरान भएका छन्।

उनीहरुले साहको पार्टी जसपाका अध्यक्ष अशोक राईलाई भनेर मन्त्री फेरवदल गर्ने योजना समेत बनाईरहेको जनाईएको छ।