इटहरी– सुनसरीको धरान उपमहानगरपालिका–४ खैरेनीटारमा शुक्रवार दिउँसो आफ्नै घरको बाथरुममा चिप्लिएर लड्दा ५० वर्षीय नितेश श्रेष्ठको मृत्यु भएको छ।

दिउँसो करिब १२ बजे श्रेष्ठ नुहाउने क्रममा अचानक चिप्लिएर लडेका थिए। गम्भीर घाइते भएका उनलाई तत्कालै वीपी कोइराला स्वास्थ्य विज्ञान प्रतिष्ठान, धरान लगिएको थियो। बाहिरी चोटपटक नदेखिए पनि उनी तत्काल बोल्न नसक्ने अवस्थामा थिए।

उपचारको क्रममा दिउँसो १ बजे चिकित्सकले उनलाई मृत घोषणा गरेको प्रहरीले जनाएको छ। घटनास्थल इलाका प्रहरी कार्यालय धरानबाट करिब ७ किलोमिटर उत्तर–पूर्वतर्फ रहेको प्रहरीले जनाएको छ।

प्रहरीले घटनाबारे थप अनुसन्धान र कानुनी प्रक्रिया अघि बढाएको छ।