जिप दुर्घटनामा ६ वर्षका बालकसहित २ जनाको मृत्यु, घाईते १३ मध्ये ३ जनाको अवस्था गम्भिर
शीर्ष खबर
३ जेठ २०८१ १:२५
काठमाडौं– पाल्पाको निस्दी गाउँपालिका–४, मतियारडाँडामा बुधबार जीप दुर्घटना हुँदा बालकसहित २ जनाको मृत्यु भएको छ। दुर्घटनामा १३ जना घाइते छन्।
नवलपुरको अरूणखोलाबाट पाल्पाको निस्दी गाउँपालिका–४ तर्फ जाँदै गरेको लु १ ज ३३२४ नम्बरको जिप दुर्घटनामा परेको हो। दुर्घटनामा निस्दी गाउँपालिका–४ का ६ वर्षीय राजिव सुनारी र २० वर्षीय तेजन सोमैको मृत्यु भएको छ।
जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठका अनुसार उनीहरुको उपचारका क्रममा गएराति मृत्यु भएको हो। अन्य १३ जना घाइते मध्ये तीन जनाको अवस्था गम्भीर छ।
घाइतेको नवलपरासीको अस्पतालमा उपचार भईरहेको जिल्ला प्रहरी कार्यालय पाल्पाले जनाएको छ। दुर्घटनाको कारण खुलेको छैन।
प्रतिक्रिया
