काठमाडौं– अस्ट्रेलियाको एडलेडमा आयोजित एक साङ्गीतिक कार्यक्रममा दर्शकलाई माइक्रोफोनले झटारो हानेपछि चर्चित गायक सुगम पोखरेल अहिले थप चर्चित भएका छन्। ले का छन् ।

उनले दर्शकलाई माइक्रोफोनले हानेको भिडियो अहिले सामाजिक सञ्जालमा भाइरल भएको छ । भिडियो हेर्दा सुगम नसामा मातेको देखिन्छ । उनले स्टेजबाट एक पटक झिल्के भन्न अनुरोध गर्छन् । त्यसपछि उनले त्यहाँ पहिलोपटक आएको कुरा गर्छन् र नेपाल भन्छन् ।

त्यसलगत्तै नेपालमा भूकम्प गएको र भूकम्पमा परेर मृत्यु हुनेको संख्या भन्छन् । त्यसपछि मृत्यु हुनेका लागि मौन धारण गर्न पटक पटक अनुरोध गर्छन् । मौन धारणमा दर्शकले खासै चासो नदिएपछि उनले स्टेजबाट ओर्लिएर एक दर्शकलाई तारगेट गर्दै माइक्रोफोनले झटारो हानेको देख्न सकिन्छ ।

उनको त्यो क्रियाकलापमा सुरक्षा गार्डले अवरोध गरेर पुनः स्टेजमा फर्काएको देख्न सकिन्छ । स्टेज फर्केपछि उनले पुनः स्टेजबाट केही टिपेर दर्शकलाई हानेको देख्न सकिन्छ ।

त्यसपछि उनको आलोचना भइरहेका छ। घट्नापछि उनले एउटा भिडियो पोष्ट गर्दै आफ्नो हर्कतको बचाउ गर्न खोजेका छन् । उनले ‘एक्सनको रियाक्सन’ गरेको बताएका छन् ।

उनले ‘नेपाली समाज संवेदनाहिन बनेको’ टिप्पणी गरेका छन् । भिडिओमा उनले भनेका छन्, ‘के हाम्रो नेपाली समाज यति संवेदनाहिन भएको हो र ? सन्दर्भ, अहिले हल्का भाइरल भइराखेको रहेछु म, (दारी मुसारेर मुस्काउँदै) हिजो एडिलेडको कार्यक्रमबाट ।’

उनले नेपालमा भूकम्पबाट मृत्यू भएकाहरूप्रति मौनधारण गर्न भन्दा दर्शकले नमानेको आशय व्यक्त गरेका छन्। ‘अहिले देशलाई दुखिरहेको छ खासमा । देशलाई दुख्दा मलाई पनि दुख्छ, म नेपाली कलाकार, तपाईंहरूले गर्दा म भाछु । हिजोको कार्यक्रममा मौनधामरण गर्दा.. यू क्यान सी इन द भिडिओ‘ देख्न सक्नुहुन्छ । मेरो एक्सनको रियाक्सन त्यसकै कारणले मात्रै थियो । कसैको मनलाई दुखाएँ भने क्षमा चाहन्छु तर नेपाली संगीतको सेवा गर्नेछु ।’

रक्सीले मातेर स्टेजमा गएको र दर्शकलाई माइकले झट्टी हानेको विषयमा भने उनले कुनै प्रतिकृया दिएका दिएका छैनन् ।