विराटनगर– विराटनगरस्थित बरगाछी चोकमा ट्रकको ठक्करबाट एक जना स्कुटर चालकको मृत्यु भएपछि स्थानीयले ट्रकमा आगजनी गरेका छन्।

बागमती प्रदेश ०३–००१ ख १४११ नम्बरको ट्रकको ठक्करबाट को ३६ प २८८९ नम्बरको स्कुटरका चालक सुनसरीको दुहबी नगरपालिका–९ का २५ वर्षीय नगेनकुमार चौधरीको मृत्यु भएको हो।

गम्भीर घाइते भएका चौधरीको उपचारका लागि कोशी अस्पताल लाँदालाँदै बाटैमा मृत्यु भएको प्रहरीले जनाएको छ। दुर्घटनालगत्तै आक्रोसितस्थानीयले ट्रकमा आगजनी गरेका छन्। आगजनीबाट ट्रक पूर्ण रूपमा क्षती भएको छ।

दमकलको सहयोगमा प्रहरीले आगो नियन्त्रणमा लिएको छ। भने आगजनीमा संलग्न भएको आशंकामा प्रहरीले २ जनालाई नियन्त्रणमा लिएको छ।

दुर्घटनापछि केही समय कोशी लोकमार्ग अवरुद्ध भएको थियो। प्रहरीले बाट सुचारु गराएको छ।