खोलाले जिप बगाउँदा ७ वर्षको बच्चा र आमा वेपत्ता, ४ जनाको उद्वार
शीर्ष खबर
२१ जेठ २०८१ १३:१६
विराटनगर– इलाममा खोलाले बोलेरो जिप बगाउँदा दुई जना वेपत्ता भएका छन्। लारूम्बाबाट झापाको दमक झर्दै गरेको जिप इलामकै चुलाचुली गाउँपालिका–५ चपेटीभन्दा माथिको रतुवा खोलाले बगाएको हो।
चालकसहित ६ जना सवार जिप बगाएपछि ४ जनाको उद्वार भएको छ। तर, ७ वर्षको बच्चा र उनकी आमा बेपत्ता भएको स्थानीय जनप्रतिनिधिले बताएका छन्।
चुलाचुली गाउँपालिकाका अध्यक्ष राजेन्द्र केरूङका अनुसार जीपको नम्वर र वेपत्ता दुवै जनाको पहिचान भएको छैन। इलाम प्रहरीका एसपी प्रभु ढकालले घटना भएको बारे जानकारी आएपनि पुर्ण विवरण नआएको वताए।
प्रतिक्रिया
