राजविराज– कोशी तथा मधेश प्रदेशका जिल्लामा शुक्रबार विहानै भुकम्पको धक्का महशुध भएको छ। भारतको सिक्किम राज्यको नाम्चीनेर केन्द्रबिन्दु बनाएर विहान ७ः१२ (स्थानीय समयअनुसार ६ बजेर ५७ मिनेट) मा भूकम्प गएको हो।

४.५ म्याग्निच्युडको भूकम्पको धक्का पूर्वी नेपालको झापादेखि सिरहा–सप्तरीलगायतका जिल्लामा पनि महसुस गरिएको छ। उक्त भूकम्पको धक्का भारत, बंगलादेश, नेपाल, भुटान तथा चीनका केही भाग पनि महसुस गरिएको बताइएको छ।

भूकम्पको केन्द्रबिन्दु रहेको नाम्ची आसपासमा के कति क्षति भयो भन्ने कुराको जानकारी आइसकेको छैन। भूकम्पको केन्द्रबिन्दु नाम्चीबाट ९ किलोमिटर टाढा रहेको बताइएको छ।