काठमाण्डौं– अमेरिकाको भर्जिनियामा कार्यरत नेपाली नर्स ममता काफ्लेको उनका श्रीमान नरेश भट्टले विभत्स हत्या गरी शवलाई टुक्रा–टुक्रा पारेर फरक–फरक ठाउँमा लगेर ब्यवस्थापन गरेको पाइएको छ।

नरेशले जुलाई २९ र ३० मा नै शव ब्यवस्थापन र घरको सरसफाई गरी सिद्याएर वसेको खुलेको छ। ममताको हत्यामा उनले प्रमाण नष्ट गर्न सवै होसियारी अपनाएका थिए। हरेक काम उनले फिङ्गरप्रिन्ट नबस्ने गरी ग्लोभ्स र नेपकिन पेपर प्रयोग गरेको खुलेको छ।

नरेशले घरबाट धेरै वटा पोका कारमा ओसारी झिकेर फोहोरको कन्टेनरमा हाल्दै गरेको सीसीटीभी फुटेज वकिलले इजलासमा पेश गरेका छन्। नरेशले घरबाट १२ पटकसम्म यसरी पोकाहरु कारमा हालेर ओसारेको पाईएको छ। ती सवै पोकामा ममताको शवको टुक्रा भएको वकिलले दावी गरेका छन्।

एकपटक उनले पुराना लुगाहरु राखिने डोनेसन बक्समा समेत एउटा पोको फ्याँकेको पाईएको छ। जसमा बाथरुमबाहिर प्रयोग गरिने रगत लतपत भएको म्याट फेला परेको थियो। ट्रयास ब्यागहरु फ्यालेपछि उनले कन्टेनर उठाउने व्यवसायीहरुलाई फोन गरेर फोहोर उठ्यो कि उठेन भनेर सोधेकोसम्म खुलेको छ।

नरेशले आफ्नी छोरी निमालाई एकजना बेबीसिटर कहाँ छोडेर ममताको शव ब्यवस्थापनको काम गरेका थिए। घरको बेसमेन्टमा भाडामा बसेका ब्यक्तिलाई बोलाएर बेडरुमको पलङ अर्को रुममा सारेको पनि वकिलले वताएका छन्।

नरेशले आफ्नो घर नजिकै कुखुरा फार्मको जानकारी र मान्छेको मस्तिष्कको आकार कस्तो हुन्छ भनेर गुगल सर्च गरेको पनि भेटिएको छ। उनले घटनापछि टेस्ला कार बेचिसकेका थिए। प्रहरीले त्यो कार फेला पारेपछि त्यसैबाट सबैभन्दा ठूलो सुराक फेला परेको जनाईएको छ।

ममतालाई नरेशले राति सुतिसकेपछि बेडरुममै हत्या गरेको र शव टुक्राटुक्रा पारेर थुप्रै झोलामा प्याक गरेको प्रमाणहरुले देखाएका छन्। उनले घटनास्थलमा बगेको रगत बाथरुमबाट बगाइदिएका थिए। अर्को दिन केमिकलहरु ल्याएर कोठाहरु र वाथरुम सफा गरेको पाईएको छ।

श्रीमतीको मृत्यु भएको कति समयपछि अर्को विवाह गर्न सकिन्छ ? र श्रीमतीको नाममा भएको ऋण उनी मरिसकेपछि के हुन्छ भनेर पनि नरेशले केही महिना अघि गुगल सर्च गरेको फेला परेको थियो। यसका आधारमा उनले निकै समयअघि देखि नै ममताको हत्याको योजना बनाएको अनुमान लगाईएको छ।

नरेशविरुद्ध ठोस प्रमाण नभएको भन्दै उनका वकिलहरुले धरौटी अपिल गरेपछि शुक्रबार ‘मोसन हियरिङ’ राखिएको थियो। ममताको शव फेला नपरेकाले उनलाई शव लुकाएको आरोपमा पक्राउ गरी थुनामा राखिएको छ। हत्याको मुद्दा अझै दर्ता भएको छैन।

नरेशका वकिलले कोठाभित्र रगतको टाटा भेटिनुले मात्रै लाश लुकाएको पुष्टि नहुने तर्क गर्दै शंकाकै आधारमा नरेशलाई थुनामा राख्न नमिल्ने जिकिर गरेका थिए। तर, ममता पक्षका वकिलले प्राप्त प्रमाणहरु इजलासमा पेश गरेपछि न्यायाधीशले ४५ मिनेटभित्र धरौटी अपिल खारेज गरिदिएकी थिईन।

नरेशलाई छोड्दा सिंगै नेपाली समुदाय असुरक्षित हुने, भाग्न सक्ने मात्र नभएर उनी स्वयम् पनि असुरक्षित बन्ने भन्दै धरौटी अपिल अस्वीकार गरेकी थिइन्। ममता अन्तिमपटक २७ जुलाईमा आफू काम गर्ने ठाउँमा गएकी थिइन्। त्यसपछि उनी सम्पर्कविहिन छिन्। मनासस पार्क प्रहरी ममता काफ्लेको बारेमा बुझ्न अगस्ट २ मा उनको घरमा पुगेर उनका श्रीमान नरेशसँग कुरा गर्दा उनले त्यतिबेला उनी हराएको रूपमा रिपोर्ट गर्न चाहेका थिएनन्।

अगस्ट ५ मा मात्र नरेशले प्रहरीलाई सम्पर्क गरी ममता काफ्ले हराएको जानकारी दिएका थिए।

यो पनि,

• अमेरिकामा वेपत्ता ममता काफ्लेको खोजतलासमा महत्वपूर्ण सुराक भेटियो, प्रहरी उत्साहित
• ममता काफ्ले बेपत्ता प्रकरणमा यसरी जोडियो ‘नरेश भट्ट र अमेरिकी महिला नाडिया’को सम्वन्ध
• ममता काफ्ले वेपत्ता प्रकरण थप जटिलः अभियोजकलाई दवावमा पारेर ग्राण्ड जुरी रद्द गराउने रणनीतिमा नरेश
• मृत्युदण्डको शैलीमा टाउको पछाडिबाट हानेको गोलीले मुना पाण्डेको मृत्यु, हत्यारा अमेरिकी होईनन्
• एक महिनाभित्र अमेरिकामा ३ नेपालीको मृत्युः कसैको हत्या, कोही वेपत्ता
• ममता काफ्ले वेपत्ता प्रकरणः यस्ता छन् बाथरुम र कार्पेटमा रगत लागेका तस्वीर (फोटो फिचर)
• नर्स ममता काफ्लेको हत्या दाईजोका कारण भएको खुल्यो, विवाहमै भएको थियो विवाद
• अमेरिकामा मारिएकी ममता काफ्लेको शव सिग्नल हिल पार्कमा गाडिएको संकेत प्रहरीले भेट्टायो
• सुत्केरी अवस्थामै ममतामाथि नरेशका आमा छोराले कुटपिट गरेपछि घरमै पुगेको थियो प्रहरी
• ममताको हत्या प्रकरणमा वकिलले खोले नयाँ तथ्य, श्रीमती मरेपछि विवाह र ऋणका बारेमा ४ महिनाअघि नै बुझ्दै थिए नरेश
• श्रीमती ममताको हत्या प्रकरणमा नरेशले अदालतमा के भने ?, यस्तो छ बयान
• अमेरिकामा श्रीमती ममताको हत्या गरेको आरोपमा पक्राउ परेका नरेश भट्टको यस्तो छ विगत
• ममताको हत्यापछि घर बेचेर भाग्ने योजनामा थिए नरेश, मास्टर बेडरुममा भेटियो रगतको आहाल
• सामाजिक सञ्चालबाट प्रेममा परेकी ममताको विवाहको ४ वर्ष नपुग्दै परदेशमा अवसानः प्रेमी/पति नै हत्यारा
• अमेरिकामा २४ दिनदेखि वेपत्ता नेपाली नर्सको पतिले नै हत्या गरेको खुलासा, लाश वेपत्ता पारेको मुद्दा दर्ता
• अमेरिकामा नेपाली नर्स वेपत्ता प्रकरणः २४ दिनपछि पति नरेश भट्ट पक्राउ
• श्रीमानसँग खटपट भएपछि ११ महिनाकी छोरीसमेत छोडेर नेपाली नर्स अमेरिकामा वेपत्ता