चितवनमा कार अनियन्त्रित भएर रुखमा ठोक्किँदा चिकित्सकको मृत्यु
शीर्ष खबर
१४ भदौ २०८२ ३:११
चितवन– चितवनको भरतपुरमा कार अनियन्त्रित भई रुखमा ठोक्किँदा एक चिकित्सकको मृत्यु भएको छ।
जिल्ला प्रहरी कार्यालय चितवनका अनुसार भरतपुर महानगरपालिका–२ बस्ने ३५ वर्षीय डा. विप्लव भट्टको द्र्घटनामा मृत्यु भएको हो। उनी आफैंले चलाइरहेको बा १५ च ४६९३ नम्बरको कार आज बिहान करिव साढे १ बजे भरतपुर–१० रमाइलोचोकबाट विशालचोकतर्फ जाँदै गर्दा सडकबाट अनियन्त्रित भई रुखमा ठोक्किएको थियो।
दुर्घटनापछि गम्भीर घाइते भएका भट्टलाई तत्कालै उपचारका लागि पुरानो मेडिकल कलेज लगिएको थियो। तर, उपचारको क्रममा बिहानै उनको मृत्यु भएको जिल्ला प्रहरी कार्यालय चितवनका एसपी गोविन्द पुरीले जानकारी दिए।
घटनाबारे थप अनुसन्धान भइरहेको प्रहरीले जनाएको छ।
प्रतिक्रिया
