दमक– झापाको बिर्तामोडमा रहेको एक स्विमिङ पुलमा डुबेर एक युवकको मृत्यु भएको छ। बिर्तामोड–२ मा जीवन ढुंगानाले सञ्चालन गरेको ग्रिन पार्क कम्पाउन्डभित्रको स्विमिङ पुलमा डुवेर बिर्तामोड–३ का ३३ वर्षीय प्रकाश प्रसाईँको मृत्यु भएको हो।

जिल्ला प्रहरी कार्यालय झापाका अनुसार प्रसाईँ बिर्तामोड–१० का ३३ वर्षीय केशव शिवाकोटीसँगै पौडी खेल्न गएका थिए। पौडी खेल्ने क्रममा प्रसाईँ डुबेको जनाईएको छ। घटनाबारे पार्क सञ्चालकले राति ८ बजे मात्र जानकारी गराएका थिए।

इलाका प्रहरी कार्यालय अनारमनीले घटनाबारे अनुसन्धान सुरु गरेको छ। उनीहरू मदिरा सेवन गरेर पौडी खेल्न गएको हुनसक्ने प्रहरीको आशंका छ।