विराटनगर– मोरङको सुन्दरहरैँचा नगरपालिका–९ का कुखुरा फार्म सञ्चालक ४९ वर्षीय सहदेव बजगाईंको हत्या गरेर फरार भएका दम्पत्तिलाई प्रहरीले पक्राउ गरेको छ।

मोरङकै उर्लाबारी नगरपालिका–४ घर भएका ३५ वर्षीय सुनील तामाङ (छिरिङ) र उनकी श्रीमती ३३ वर्षीया प्रनिसा पाँचकोटीलाई प्रहरीले पक्राउ गरेको हो। उनीहरुलाई सुनसरीको धरान उपमहानगरपालिका–१२ स्थित अरुणोदय धर्मशालाको गेस्ट हाउसबाट बिहिबार साँझ पक्राउ गरिएको हो।

प्रहरीका अनुसार फार्मका सञ्चालक बजगाईंले काम गरेको पैसा नदिएको र गाली गलौज मात्रै गर्ने गरेका कारण रिसको आवगेमा हत्या गरेको उनीहरुले स्वीकार गरेका छन्। बजगाईंले सुन्दरहरैँचा–१ मा कुखुरा फार्म सञ्चालन गर्दै आएका थिए। सुनिलका दम्पत्ती सोही खुकुरा फार्ममा काम गर्न वसेका थिए।

डेढ महिना अघिदेखि फार्ममा काम गर्दै आएका उनीहरु प्रहरीका अनुसार उनिहरुले विहिवार बजगाईको विभत्स हत्या गरी फरार भएका थिए। बजगाईंको शव टाउको क्षतविक्षत भएको अवस्थामा विहिवार विहान साढे १० बजे फेला परेको थियो।

बजगाईँको हत्यामा प्रयोग गरिएको बन्चरो र दाउ प्रहरीले घट्नास्थमै बरामद गरेको थियो। पक्राउ परेका सुनिलका दम्पत्ति विरुद्ध इलाका प्रहरी कार्यालय बेलबारीले कर्तव्य ज्यान मुद्दामा अनुशन्धान गरिरहेको जिल्ला प्रहरी कार्याल मोरङले जनाएको छ।