राजविराज– सप्तरीको राजविराज स्थित गजेन्द्रनारायण सिंह अस्पतालमा विभिन्न रोगको स्क्रिनिङ तथा उपचारका लागि दुई दिने शिविर सञ्चालन हुने भएको छ।

जयन्ती स्मृति प्रतिष्ठत (युनिभर्सिटी अफ वासिङ्टन युएस) को सहयोगमा कात्तिक १२ र १३ गते शिविर सञ्चालन गरिने भएको हो।

शिविरमा उच्च रक्तचाप, मुटुरोग (पुरानो), चिनी रोग, मोटापनका विषयमा जाँच तथा उपचार हुने जनाईएको छ। विगतमा निमोनिया भएका १५ वर्ष मुनिका बालबालिका र १५ वर्ष मुनिका कडा कुपोषित बालवालिकाहरुको पनि स्वास्थ्य जाँच गरिने जनाईएको छ।

शिविरमा स्वास्थ्य जाँचका लागि कात्तिक ३ गतेभित्रमा नाम दर्ता गराई सक्नुुपर्ने प्रमुख मेडिकल सुपरिटेन्डेन्ट डा. प्रकाशप्रसाद साहले जानकारी दिए।